Italia Eventi 24
LinguaIT
Tzacarra-manu e acramada manna in su teatru Verdi pro su cuntzertu de Giovanni Sollima e Giuseppe Andaloro

Tzacarra-manu e acramada manna in su teatru Verdi pro su cuntzertu de su grandu violontzellista Giovanni Sollima chi at sonadu paris cun su pianista Giuseppe Andaloro a intro de s’istajone de “Sos grandos intèrpretes de sa mùsica” cuncordada dae Teatru e/o Mùsica. Musitzista sena de làcanas de gènere e de interpretatzione, Sollima in sa carriera sua assortada s’est acurtziadu a ònnia gènere musicale interpretende a is grandos autores clàssicos, sos ritmos de sas tribù aborìgenas australianas, sa mùsica progressive e s’heavy metal, sa mùsica baroca e sos ritmos mediterràneos. De custa richesa de istiles s’artista at dadu proa in su palcu de su teatru Verdi in dae in antis de unu pùblicu ispantadu dae sa potèntzia de unu programma chi, movende dae Stravinskij, at tramudadu a sonadas de King Crimson e Emerson Lake e Palmer. Su cuntzertu “musculosu” de s’artista in sintonia perfeta cun su pianista Andaloro at ofertu a su pùblicu momentos de mùsica ispantosos in prus de un’ora de biàgiu intra de èpocas istòricas e gèneres musicales diferentes. Tzacarra-manos longos ant obligadu a sos musitzistas a nche torrare a artziare a su palcu pro duos “bis”, su primu una versione rara de sa cantzone de Franco Battiato “Umbra de sa lughe”, su de duos un’interpretatzione bella de “Elefante biancu” de sos Area. S’istajone de sos “grandos intèrpretes” est lòmpida a s’ùrtimu apuntamentu suo. Su programma at otentu unu sutzessu mannu, cunfirmende sa passione de su pùblicu tataresu pro sa mùsica clàssica.

In su parcu de su teatru Verdi martis 22 de làmpadas est artziadu Nelson Goerner. Nàschidu in Argentina, a Goerner lu cunsìderant unu de sos pianistas prus de importu de sa generatzione sua. S’artista est òspite de is fèstival prus mannos, salas de cuntzertu e orchestras in Europa e in cudda àtera ala de s’Otzèanu. In su programma de su cuntzertu bi fiant mùsicas de Fryderyk Chopin e Isaac Albéniz.

SardegnaEventi24.it

1737 eventi pubblicati

518 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español