Italia Eventi 24
LinguaIT
Sighit su fogu in Sardigna

A pustis de su fogu chi at interessadu Macumere e Tòssilo, est tocadu a su territòriu de Ilartzi a connòschere su destruimentu ingendradu dae sa piromania.

Su fogu mòvidu in sos sartos de Ilartzi, in ue bi sunt dèpidos intervènnere tres aparèchios Canadair e chimbe elicòteros, at tentu a suta de pressione sa màchina regionale contras de su fogu, impignada in s’istudadura de àteros binti fogos.

In sartu de Ilartzi, in Ena Trasino, bi sunt intervènnidos chimbe elicòteros de sas bases de su Corpus forestale de Fenosu, Bosa, Sòrgono e Santu Còsimu. Ant dèpidu domandare s’interventu fintzas de tres Canadair. Sas fainas de istudadura las at ghiadas s’Istatzione de sa Forestale de Ilartzi agiudada dae su personale eliportadu, dae su GAUF de Aristanis, dae bator iscuadras de Forestas de Abbasanta, Neoneli, Paulle e Sèdilo, dae sos barratzellos de Soddie e Ilartzi.

Pro domare su fogu at tocadu a serrare pro un’orighedda de s’istatale 131 DCN in diretzione de Terranoa, pro ite ca su fogu s’est acostidu meda a manera perigulosa a sa bia. S’istatale l’ant serrada dae su chilòmetru 4,800 (in su deretu de su rugheri pro Ilartzi) fintzas a su chilòmetru 8,600 (rugheri de Aidumajore), e su tràficu at dèpidu iscassare in sa provintziale n. 15.

In sartu de Carbònia, in Sedda Umbrosa, b’est intervènnidu un’elicòteru de sa base de su Corpus forestale de Marganai. Sas fainas de istudadura las at ghiadas s’Istatzione de sa Forestale de Carbònia, cun s’agiudu de su personale eliportadu, de un’iscuadra de Forestas de Carbònia e de sos Vìgiles de su Fogu.

In fines, in sartu de Macumere, in Sa Tanca Manna, b’est intervènnidu un’elicòteru de sa base de su Corpus forestale de Anela. Sa ghia de is fainas de istudadura l’at contivigiada s’Istatzione Forestale de Macumere, cun s’agiudu de su personale eliportadu.

SardegnaEventi24.it

1740 eventi pubblicati

522 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español