Italia Eventi 24
LinguaIT
Nche ruet s’òbligu de registratzione pro chie benit a Sardigna

Su presidente de sa Regione Christian Solinas at detzìdidu de non perlongare s’ordinàntzia chi iscadiat su 15 de làmpadas a mesunote in contu de sas averiguaduras pro chie arribat a s’ìsula nostra. Dae eris, duncas, balent sas règulas natzionales pro sas transiduras intra de regiones in zona bianca. Nche ruet s’òbligu pro chie arribat a Sardigna, in antis de s’imbarcare, de si registrare in sa setzione “Coronavirus nou” in sa pàgina de intrada de su giassu de sa Regione o cun s’app Sardigna segura.

Su sèberu naschet fintzas dae su fatu chi dae inoghe a duas chidas at a intrare in vigèntzia sa tzertificatzione birde europea. Est capatzu chi in sas dies imbenientes b’at a àere averiguaduras prus crispas pro sos passigeris chi arribant dae s’Inghilterra, pro more de s’isparghidura de sa variante Delta de su virus, ma s’in casu sunt règulas istabilèssidas a livellu natzionale e chi sa Sardigna lis depet dare aplicu ebbia.

Solinas in prus no at perlongadu s’ordinàntzia chi aiat bogadu duas chidas a como, in ocasione de sas aberturas noas cando sa Sardigna fiat torrada in zona bianca. Unu provedimentu, custu, chi nd’aiat fatu pesare sa chèscia de ristorantes e de tzilleris pro more de unos cantos inditos malos a respetare: intra de sas àteras cosas, su nùmeru de clientes carculadu a tenore de sos metros cubos de aera pro ònnia persone.

SardegnaEventi24.it

1739 eventi pubblicati

522 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español