Italia Eventi 24
LinguaIT
Cultura in su Tzentru: presentada de su progetu

S’at a fàghere in Orane, in su Museu Nivola, sa presentada ufitziale de Cultura in su Tzentru, sa retza de sos operadores culturales de Barbàgia chi ponet paris prus de 30 entes pùblicos, impresas e assòtzios culturales e chi punnat a afortiare sa cooperatzione intra de sos operadores culturales de s’àrea GAL Barbàgia pro progetare, cuncordare e contivigiare servìtzios in retza e addòbios culturales.

A su primu apuntamentu pùblicu de custu progetu de importu li narant Antesteria – THE PARTY e leat su nùmene dae sa parada site-specific de s’artista americanu Peter Halley (chi at a èssere presente in s’addòbiu e nòdidu pro sos sinnos geomètricos de sas òperas suas) pensada pro s’ispàtziu de sas mustras temporàneas de su Museu Nivola. S’òpera de Halley, presentada in custa prima parte de su programma, est un’elementu simbòlicu e chi tenet unu significadu pro sas tareas chi Cultura in su Tzentru cheret sighire. Una de custas est sa formatzione pro s’impreu de ainas utilosas pro chi su patrimòniu culturale siat disponìbile e chi si nde potzat gosare siat a livellu locale siat a livellu de s’oferta culturale internatzionale. Sas matessi ainas chi las ant giai impreadas in un’àndala de formatzione dedicada a sos operadores de su territòriu, cun sa punna de las impreare a manera profetosa, de fàghere a manera chi siant sustenìbiles in sa carrera econòmica e chi siant utilosas fintzas cando su progetu at a èssere agabbadu. Totu custu pro favorèssere s’isvilupu de unu contu de su territòriu fintzas progetende addòbios chi, gestidos a manos de pare dae sos sete Comunes, dae sos operadores de sos àteros setores e cun su cabu-filera, ant a èssere una bidriera pro fàghere a connòschere is piessignos culturales de ònnia bidda chi faghet parte de su territòriu de su GAL Barbàgia.

SardegnaEventi24.it

1737 eventi pubblicati

519 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español